9/10/2012

k U y A


Likas ang halaga ng pamilya sa mga Pinoy. Andyan si Nanay, Tatay, Ate at Kuya. Bunso ako sa magkakapatid. Hindi pwedeng hindi ako kasali sa eksena. Ang kwento ng buhay ko ay kwento rin ni kuya.
Lumaki sa pangangalaga at yakap kaming lahat. Masaya, malungkot, magulo pero iba ang hiwaga. Marami kaming mga pangarap, mga mithiin na sa aming paglaki kami'y magiging matagumpay. Si kuya ang aking best buddy. Tagapag-tanggol, taga- bili ng laruan, taga-sundo sa school. Minsan nag-iisa lang syang kausap ko, kasama at gwardya.
Sa oras at mga taon bilang magkapatid, lumipas ang mga panahon at napahiwalay kami sa isa’t isa. Nag aral ako at si kuya rin ngunit di sya nakatapos. Nasama sya sa masasamang barkada at nalululong sa bisyo. Sinira niya ang aming pamilya at higit sa lahat ang kanyang sariling buhay. Lumiko ang tuwid na daan at pinili nyang maglakad nang nakayapak sa lubak. Hinubad nya ang kulay puting damit at pinalitan ng itim. Nilangoy nya ang malakas na agos ng ilog kaysa sa tahimik na dagat.
Ngunit, hindi pa huli ang lahat. Patuloy na sumikat ang araw na dulot ay pag asa. Dumating rin ang ilaw sa kanyang buhay. Kinailangan nyang magsikap at magbago. Napilitan syang lumayo at magtrabaho sa malayong lupain upang kumita.
Tumanda man siya, bakas na parang isa pa rin siyang bata. Takot syang mag –isa at takot malunod sa lungkot. Kabilang na sya sa milyong OFW na nakikipagsapalaran sa ibang bansa.


5/30/2012

Balitang Middle East - Kuwait



Maraming salamat sa lahat ng suporta! malaking bahagi kayo sa ating tagumpay!
Mabuhay at paunlarin natin ang ating talento sa larangan ng ibat ibang adhikain. 

2/23/2012

KwEnTo ni MaNg BeRtO

Maganda ang panahon ngayon: Walang sandstorm. Kaya naisipan kong maglakad- lakad sa tabing-dagat. Dala ko ang aking kamera at ganado sa pagkuha ng litrato sa paligid.

Ang paligid, simoy ng hangin ang nagpapasigla ng araw ko. Ito rin ang nagbibigay kulay sa init at lamig ng panahon dito sa lupang buhangin.

Parang Pinas ang init ngayon ano?. Napalingon ako sa gilid ng mapansin ko ang isang kapwa Pilipino na nagpakilala sa akin bilang Mang Berto. Medyo may mas edad na kumpara sakin si Mang Berto.

Marami kaming napagkwentuhan tungkol sa pagtatrabaho bilang isang OFW, pero mas naging interesado ako sa kwento ng kanyang buhay pag-ibig.


Sundan ang Kwento ni Mang Berto (click here)

2/07/2012

nAsAan AnG ArAw?

hinahabol ko araw
sa huling pagtatapos ng taon 2011

hinahanap ko ang araw
kung saan ako pupwesto

di masilayan ang araw
naubos na ang oras

andyan lang naman ang araw
ako pala ang sinusubaybayan.....

(isang alay tula para sa mga kababayan nating OFW sa mga nakalipas na suliranin at napagtagumpayan sa tulong ng ating PANGINOON!)


photo: pamatayhomesick
place: gulf road kuwait

minsan sa buhay ng isang OFW, madilim man yun paligid puno man nang alikabok kinakayang hanapin ang liwanag sa dilim para makatawid sa lalim ng dagat at hiwaga ng langit.....